Եվրոպայի պատանիների թիմային առաջնությունում հայ շախմատիստները հաղթել են Ավստրիայի և Հունգարիայի թիմերին:

Առաջին խաղափուլում հայ պատանիները 3.5:0.5 հաշվով հաղթեցին Ավստրիայի թիմին: Հաղթանակ են գրանցել Էրիկ Չաքրյանը, Արսեն Դավթյանը և Ալեքս Սահակյանը: Ռոբերտ Փիլիպոսյանը խաղն ավարտել է ոչ-ոքի արդյունքով:

Երկրորդ խաղափուլում հայ պատանիները 2.5:1.5 հաշվով հաղթեցին Հունգարիայի թիմին: Թիմին հաղթական միավոր է բերել Ռոբերտ Փիլիպոսյանը: Մյուս 3 շախմատիստները՝ Էմին Օհանյանը, Էրիկ Չաքրյանը և Արսեն Դավթյանը, կեսական միավոր են վաստակել:

Երրորդ խաղափուլում Հայաստանը կմրցի Իսրայելի թիմի հետ:

Հաջողություն ենք մաղթում մեր պատանի շախմատիստներին:

Մանրամասներին կարող եք ծանոթանալ հետևյալ հղումով՝ https://chess-results.com/tnr774211.aspx?lan=1