Հայաստանի թիմը Եվրոպայի թիմային առաջնության արծաթե մեդալակիր է

Հայաստանի թիմը գրոսմայստեր Արտաշես Մինասյանի գլխավորությամբ դարձավ Եվրոպայի մինչև 18 տարեկանների թիմային առաջնության փոխչեմպիոն:

Հայաստանը ներկայացնում էին Էմին Օհանյանը, Արսեն Դավթյանը, Ռոբերտ Փիլիպոսյանը, Էրիկ Գասպարյանը և Բենիկ Ագասարովը:

Վերջին խաղափուլում մեր շախմատիստները 3:1 հաշվով հաղթեցին Ավստրիայի թիմին:

Առաջնության հաղթող դարձավ Իսրայելի թիմը, որին առաջնության ընթացքում պարտության մատնեց միայն Հայաստանի թիմը:

Շնորհավորում ենք մեր պատանիներին՝ մաղթելով նորանոր հաջողություններ: