Հայաստանի հավաքականները տարան երրորդ անընդմեջ հաղթանակը

Հայաստանի հավաքականները տարան երրորդ անընդմեջ հաղթանակը շախմատի համաշխարհային 45-րդ օլիմպիադայում:

Օլիմպիադայի 3-րդ խաղափուլում տղամարդկանց հավաքականը 3:1 հաշվով առավելության է հասել Բրազիլիայի հավաքականի նկատմամբ:

Հաղթանակ են տարել Շանթ Սարգսյանը և Կարեն Գրիգորյանը: 

Հայկ Մարտիրոսյանի և Գաբրիել Սարգսյանի խաղերն ավարտվել են ոչ-ոքի արդյունքով:

Կանանց հավաքականը 3:1 հաշվով առավելության է հասել Հունգարիայի երկրորդ հավաքականի նկատմամբ:

Հաղթանակ են տարել Մարիամ Մկրտչյանը և Էլինա Դանիելյանը:

Լիլիթ Մկրտչյանի և Սուսաննա Գաբոյանի խաղերն ավարտվել են ոչ-ոքի արդյունքով:

4-րդ խաղափուլում մեր տղամարդկանց հավաքականը կմրցի Չինաստանի հավաքականի հետ, իսկ կանանց հավաքականը՝ Վիետնամի հավաքականի հետ:

Մաղթում ենք հաջողություն մեր հավաքականներին: