Հայաստանի կանանց հավաքականը տարավ չորրորդ անընդմեջ հաղթանակը

Հայաստանի կանանց հավաքականը տարավ չորրորդ անընդմեջ հաղթանակը շախմատի համաշխարհային 45-րդ օլիմպիադայում:

Օլիմպիադայի 4-րդ խաղափուլում կանանց հավաքականը 3:1 հաշվով առավելության է հասել Վիետնամի հավաքականի նկատմամբ:

Հաղթանակ են տարել Էլինա Դանիելյանը և Աննա Սարգսյանը:

Լիլիթ Մկրտչյանի և Մարիամ Մկրտչյանի խաղերն ավարտվել են ոչ-ոքի արդյունքով:

Առաջին երեք խաղափուլերում Հայաստանի կանանց թիմը պարտության էր մատնել Տրինիդադ և Տոբագոյի թիմին (4:0), Մեքսիկայի թիմին (4:0) և Հունգարիայի երկրորդ թիմին (3:1)։

Տղամարդկանց հավաքականը այսօր մրցում էր Չինաստանի թիմի հետ:

Հայկ Մարտիրոսյանը սև խաղաքարերով ոչ-ոքի խաղաց շախմատի աշխարհի գործող չեմպիոն Դին Լիրենի հետ։

Հանդիպումն ավարտվեց Չինաստանի օգտին 2.5:1.5 հաշվով:

Առաջին երեք խաղափուլերում Հայաստանի տղամարդկանց թիմը պարտության էր մատնել Մալթայի թիմին (4:0), Անդորրայի թիմին (3:1) և Բրազիլիայի թիմին (3:1)։

5-րդ խաղափուլում մեր տղամարդկանց հավաքականը կմրցի Շվեդիայի հավաքականի հետ, իսկ կանանց հավաքականը՝ Չինաստանի հավաքականի հետ:

Հաջողություն ենք մաղթում մեր հավաքականներին հաջորդ խաղափուլում: