Ավարտին մոտեցավ շախմատի համաշխարհային 45-րդ օլիմպիադան

Հայաստանի կանանց հավաքականը լավագույն հնգյակում է շախմատի համաշխարհային 45-րդ օլիմպիադայում:

Օլիմպիադան անցկացվում էր սեպտեմբերի 11-ից 22-ը Հունգարիայի մայրաքաղաք Բուդապեշտում։

Մեր կանանց հավաքականը կիսել է 3-6-րդ հորիզոնականները՝ լրացուցիչ ցուցանիշներով զբաղեցնելով 5-րդ հորիզոնականը: Ընդհանուր մասնակցել են 169 երկրների հավաքականներ:

Կանանց հավաքականի կազմում հանդես են եկել Լիլիթ Մկրտչյանը, Մարիամ Մկրտչյանը, Էլինա Դանիելյանը, Աննա Սարգսյանը և Սուսաննա Գաբոյանը:

Մեր տղամարդկանց հավաքականը կիսել է 2-6-րդ հորիզոնականները՝ լրացուցիչ ցուցանիշներով զբաղեցնելով 6-րդ հորիզոնականը: Ընդհանուր մասնակցել են 188 երկրների հավաքականներ:

Հայաստանի տղամարդկանց հավաքականի կազմում հանդես են եկել Հայկ Մարտիրոսյանը, Շանթ Սարգսյանը, Գաբրիել Սարգսյանը, Ռոբերտ Հովհաննիսյանը և Կարեն Գրիգորյանը:

Կանանց օլիմպիադայի եզրափակիչ աղյուսակը կարող եք տեսնել այստեղ:

Տղամարդկանց օլիմպիադայի եզրափակիչ աղյուսակը կարող եք տեսնել այստեղ: