Արագ շախմատի հաղթող դարձավ Աշոտ Նադանյանը

Ավարտին մոտեցավ «Ռաֆայել Վահանյանի գավաթ» շրջանային մրցաշարի արագ շախմատի հատվածը։

Արագ շախմատի մրցաշարում հաղթող դարձավ միջազգային վարպետ Աշոտ Նադանյանը, ով 7 հնարավորից վաստակեց 5 միավոր: Ռաֆայել Վահանյանը և Ուլֆ Անդերսոնը 4 միավորով կիսեցին 2-րդ և 3-րդ հորիզոնականները:

Մանրամասներին կարող եք ծանոթանալ այստեղ։

Նոյեմբերի 9-ին և 10-ին տեղի կունենա մրցաշարի երկրորդ հատվածը, որտեղ մասնակիցները կմրցեն կայծակնային շախմատի կանոններով՝ յուրաքանչյուր մրցակցի հետ խաղալով երկու խաղ։

Մրցաշարի հիմնական հաղթողները կորոշվեն արագ և կայծակնային շախմատի մրցաշարերի արդյունքների հանրագումարով:

Մրցաշարի ընթացքը լուսանկարել և սիրով տրամադրել է մրցաշարի մասնակից Հովիկ Խալիկյանի դուստրը՝ Մերի Խալիկյանը։