Մրցաշարի հաղթող դարձավ Աշոտ Նադանյանը

Նոյեմբերի 6-ից 10-ը Երևանի «Անի» հյուրանոցում տեղի ունեցավ Երևանի քաղաքապետարանի և Երևանի շախմատի ֆեդերացիայի կողմից կազմակերպված «Ռաֆայել Վահանյանի գավաթ» շրջանային մրցաշարը:

Մրցաշարի մասնակիցները մրցեցին շրջանային մրցակարգով` ինչպես արագ, այնպես էլ կայծակնային շախմատում:

Երկու մրցաշարերի հանրագումարով հաղթող դարձավ միջազգային վարպետ Աշոտ Նադանյանը, ով անցկացրեց մրցաշարը առանց պարտությունների՝ 28 հնարավորից վաստակելով 21 միավոր։

Երկրորդ հորիզոնականը 16.5 միավորով զբաղեցրեց շվեդ գրոսմայստեր Ուլֆ Անդերսոնը:

Լավագույն եռյակը 16 միավորով եզրափակեց գրոսմայստեր Ռաֆայել Վահանյանը:

Եզրափակիչ աղյուսակը ունեցավ հետևյալ տեսքը.
1-ին տեղ՝ Աշոտ Նադանյան 
2-րդ տեղ՝ Ուլֆ Անդերսոն
3-րդ տեղ՝ Ռաֆայել Վահանյան
4-րդ տեղ՝ Ադրիան Միխալչիշին
5-րդ տեղ՝ Զոլթան Ռիբլի
6-րդ տեղ՝ Նորայր Քալանթարյան
7-րդ տեղ՝ Խուան Մանուել Բելոն Լոպես
8-րդ տեղ՝ Հովիկ Խալիկյան 

Շնորհավորում ենք բոլորին և շնորհակալություն հայտնում այս միջոցառմանը մասնակցելու համար:

Մանրամասներին կարող եք ծանոթանալ այստեղ: