Եվրոպայի անհատական առաջնության ավարտին մնացել է 2 խաղափուլ

Մոնտենեգրոյի Պետրովաց քաղաքում ավարտին է մոտենում 2024 թվականի շախմատի Եվրոպայի անհատական առաջնությունը:

Նախավերջին խաղափուլից առաջ միանձնյա առաջատարն է սերբ գրոսմայստեր Ալեքսանդր Ինջիչը, ով 9 հնարավորից ունի 8 միավոր:

Հայ շախմատիստներից առաջատարների շարքում է գրոսմայստեր Ռոբերտ Հովհաննիսյանը, ով ունի 7 միավոր և կիսում է 2-7-րդ հորիզոնականները:

Գրոսմայստեր Արամ Հակոբյանը ունի 6.5 միավոր:

Գրոսմայստեր Մանուէլ Պետրոսյանը, ՖԻԴԵ-ի վարպետ Էրիկ Գասպարյանը և գրոսմայստեր Էմին Օհանյանը ունեն 6 միավոր:

10-րդ խաղափուլը կմեկնարկի նոյեմբերի 18-ին՝ Հայաստանի ժամանակով 18:00-ին: