Շանթ Սարգսյանը զբաղեցրեց 4-րդ հորիզոնականը

Կատարի մայրաքաղաք Դոհայում ավարտին մոտեցավ «Qatar Masters Open 2024» շախմատի միջազգային մրցաշարը:

Մրցաշարին մասնակցում էին 25 երկրների 138 շախմատիստներ, այդ թվում՝ 43 գրոսմայստերներ։

Լավագույն եռյակը ունեցավ հետևյալ տեսքը.
1-ին տեղ՝ Անդրեյ Եսիպենկո
2-րդ տեղ՝ Արջուն Էրիգաիսի
3-րդ տեղ՝ Նոդիրբեկ Աբդուսատորով

Գրոսմայստեր Շանթ Սարգսյանը 9 հնարավորից վաստակեց 6.5 միավոր և զբաղեցրեց 4-րդ հորիզոնականը:

Շանթը նաև 14 կետով բարելավեց իր վարկանիշը:

Հայաստանից մասնակցում էին նաև գրոսմայստերներ Հայկ Մարտիրոսյանը՝ 5.5 միավոր, Տիգրան Հարությունյանը՝ 5 միավոր և Մանուէլ Պետրոսյանը՝ 5 միավոր: