«Գյումրի Open-2023» շախմատի միջազգային մրցաշարի ավարտին մնացել է 3 խաղափուլ

Օգոստոսի 21-29-ը Գյումրիում անցկացվում է «Գյումրի Open-2023» շախմատի միջազգային մրցաշարը:

6 խաղափուլից հետո «A» խմբում միանձնյա առաջատարը ռուս միջազգային վարպետ Անդրեյ Դերբենևն է, ով հաղթել է բոլոր 6 խաղերում:

«B» խմբում, որտեղ մասնակցում են մինչև 12 տարեկան պատանիները, միանձնյա առաջատարը Դավիթ Գրիգորյանն է, ով վաստակել է 5 միավոր:

«C» խմբում, որտեղ մասնակցում են մինչև 10 տարեկան պատանիները, միանձնյա առաջատարը Միքայել Բալդրյանն է, ով հաղթել է բոլոր 6 խաղերում:

«D» խմբում, որտեղ մասնակցում են մինչև 10 տարեկան պատանիները, միանձնյա առաջատարը Սմբատ Հարությունյանն է, ով հաղթել է բոլոր 6 խաղերում:

«E» խմբում, որտեղ մասնակցում են մինչև 10 տարեկան աղջիկները, առաջատարներն են Մանե Անդրեասյանը և Անգելինա Դիլոյանը, ովքեր վաստակել են 5.5 միավոր:

Մրցաշարի ավարտին մնացել է 3 խաղափուլ: Փակման արարողությունը տեղի կունենա օգոստոսի 29-ին, ժամը՝ 17:00-ին:

Մանրամասներին կարող եք ծանոթանալ հետևյալ հղումով՝ https://chess-results.com/tnr793254.aspx?lan=1