Կարեն Գրիգորյանը կիսեց 4-9-րդ հորիզոնականները արագ շախմատի աշխարհի առաջնությունում

Կարեն Գրիգորյանը 2024 թվականի աշխարհի արագ շախմատի առաջնությունում 13 հնարավորից վաստակեց 9 միավոր և կիսեց 4-9-րդ հորիզոնականները:

Կարենը 11-րդ և 12-րդ խաղափուլերում հաղթել է 2700-ից բարձր վարկանիշ ունեցող չինացի Վեյ Իին և ադրբեջանցի Շահրիյար Մամեդյարովին, իսկ վերջին խաղափուլում ոչ-ոքի է խաղացել առաջնության չեմպիոն Վոլոդար Մուրզինի հետ։

Հայ շախմատիստներից մրցանակակիրների շարքում են նաև Շանթ Սարգսյանը և Հայկ Մարտիրոսյանը, ովքեր վաստակել են 8 միավոր:

Շնորհավորում ենք մեր շախմատիստներին և մաղթում հաջողություն դեկտեմբերի 30-ից 31-ը կայանալիք աշխարհի կայծակնային շախմատի առաջնությունում։