Աշխարհի արագ շախմատի թիմային առաջնությունում Հայաստանը գրավել է 4-րդ հորիզոնականը

Հայաստանի թիմը զբաղեցրեց 4-րդ հորիզոնականը Գերմանիայի Դյուսելդորֆ քաղաքում անցկացված 2023 թվականի աշխարհի արագ շախմատի թիմային առաջնությունում:

Հիշեցնենք, որ Հայաստանը ներկայացնում էին Գաբրիել Սարգսյանը, Հայկ Մարտիրոսյանը, Շանթ Սարգսյանը, Սամվել Տեր-Սահակյանը, Մամիկոն Ղարիբյանը, Էլինա Դանիելյանը և Ալբերտո Աթոյանը:

Փայլուն խաղ ցուցադրեց 14-ամյա Ալբերտո Աթոյանը, ով 12 հնարավորից վաստակեց 10.5 միավոր և լավագույն արդյունքը ցույց տվեց առաջնության 286 մասնակիցների մեջ: Ալբերտոն նաև 170 կետով բարելավեց իր արագ շախմատի վարկանիշը:

Եզրափակիչ աղյուսակին կարող եք ծանոթանալ հետևյալ հղումով՝ 
https://chess-results.com/tnr802387.aspx?lan=1&art=0&rd=12&flag=30

Շնորհավորում ենք մեր թիմին՝ մաղթելով նորանոր հաջողություններ: