Այսօր տղամարդկանց առաջնությունում ոչ-ոքիներ չեն գրանցվել

Ավարտվեց Հայաստանի շախմատի տղամարդկանց 85-րդ և կանանց 80-րդ առաջնությունների 5-րդ խաղափուլը:

Տղամարդկանց առաջնությունում այսօր բոլոր խաղերն ավարտվել են խաղացողներից մեկի հաղթանակով:

Արթուր Դավթյանը հաղթել է Մամիկոն Ղարիբյանին, Մանուէլ Պետրոսյանը՝ Բենիկ Ագասարովին, Տիգրան Հարությունյանը՝ Զավեն Անդրիասյանին, Սարգիս Սարգսյանը՝ Կարեն Գրիգորյանին, իսկ Ռոբերտ Հովհաննիսյանը՝ Հովիկ Հայրապետյանին:

Այսպիսով 5 խաղափուլից հետո առաջատարներն են գրոսմայստեր Ռոբերտ Հովհաննիսյանը և միջազգային վարպետ Արթուր Դավթյանը, ովքեր ունեն 3.5 միավոր: Առաջատարներից կես միավորով հետ է մնում Տիգրան Հարությունյանը։

Կանանց առաջնությունում այսօր Սուսաննա Գաբոյանը հաղթել է Մարիամ Խաչատրյանին, Աննա Խաչատրյանը՝ Լիլիա Դանիելյանին, իսկ Նվարդ Հայրապետյանը՝ Սյուզաննա Առաքելյանին:

Պոլինա Կոբակ - Մարիամ Ավետիսյան, Միլենա Գասպարյան - Մելինե Հարությունյան խաղերն ավարտվել են ոչ-ոքի արդյունքով:

Կանանց պայքարում 5 խաղափուլից հետո միանձնյա առաջատար շարունակում է մնալ կանանց ՖԻԴԵ-ի վարպետ Աննա Խաչատրյանը, ով ունի 4.5 միավոր: Կանանց միջազգային վարպետ Սուսաննա Գաբոյանը առաջատարից հետ է մնում կես միավորով: