Տղամարդկանց առաջնությունում արդեն ունենք միանձնյա առաջատար

Ավարտվեց Հայաստանի շախմատի տղամարդկանց 85-րդ և կանանց 80-րդ առաջնությունների 6-րդ խաղափուլը:

Տղամարդկանց առաջնությունում այսօր հաղթել են Ռոբերտ Հովհաննիսյանը, Սարգիս Սարգսյանը և Բենիկ Ագասարովը։

Արթուր Դավթյան - Հովիկ Հայրապետյան և Մամիկոն Ղարիբյան - Մանուէլ Պետրոսյան խաղերն ավարտվել են ոչ-ոքի արդյունքով:

Այսպիսով, 6 խաղափուլից հետո տղամարդկանց առաջնությունում միանձնյա առաջատարն է գրոսմայստեր Ռոբերտ Հովհաննիսյանը, ով ունի 4.5 միավոր: Միջազգային վարպետ Արթուր Դավթյանը առաջատարից հետ է մնում կես միավորով:

Կանանց առաջնությունում այսօր հաղթել են Սուսաննա Գաբոյանը և Նվարդ Հայրապետյանը:

Մելինե Հարությունյան - Աննա Խաչատրյան, Մարիամ Ավետիսյան - Միլենա Գասպարյան և Սյուզաննա Առաքելյան - Մարիամ Խաչատրյան խաղերն ավարտվել են ոչ-ոքի արդյունքով:

Կանանց պայքարում 6 խաղափուլից հետո առաջատարներն են կանանց ՖԻԴԵ-ի վարպետ Աննա Խաչատրյանը և կանանց միջազգային վարպետ Սուսաննա Գաբոյանը, ովքեր ունեն 5 միավոր։