Հայ շախմատիստները մրցանակակիրների շարքում են Հունաստանի մրցաշարում

Գրոսմայստեր Լևոն Բաբուջյանը կիսեց 1-3-րդ հորիզոնականները Հունաստանում անցկացված «18th Paleochora Open Chess Tournament» շախմատի միջազգային մրցաշարում:

Լևոնը 9 հնարավորից վաստակեց 7.5 միավոր և լրացուցիչ ցուցանիշներով զբաղեցրեց 3-րդ հորիզոնականը:

Հայ շախմատիստներից մրցանակակիրների շարքում է նաև միջազգային վարպետ Վահե Դանիելյանը՝ 7 միավորով:

Մրցաշարի «Բ» խմբում Լիլիթ Կասինյանը 7.5 միավորով կիսեց 1-3-րդ հորիզոնականները: Լրացուցիչ ցուցանիշներով Լիլիթը զբաղերեց 3-րդ հորիզոնականը և ճանաչվեց լավագույնը կանանց պայքարում:

Շնորհավորում ենք մեր շախմատիստներին և մաղթում նոր հաջողություններ: