34th International Chess Open Tournament of Kavala 2025

Հունաստանի Կավալա քաղաքում ավարտվեց «34th International Chess Open Tournament of Kavala 2025» շախմատի միջազգային մրցաշարը:

Մրցաշարի Ա խմբում գրոսմայստեր Էմին Օհանյանը 9 հնարավորից վաստակեց 6.5 միավոր և զբաղեցրեց 5-րդ հորիզոնականը:

ՖԻԴԵ-ի վարպետ Մանվել Առաքելյանը վաստակեց 6 միավոր և զբաղեցրեց 1-ին հորիզոնականը 14 տարեկանների պայքարում:

Վարպետության թեկնածու Տիգրան Համբարձումյանը վաստակեց 5.5 միավոր և լրացրեց միջազգային վարպետի իր առաջին նորման: Տիգրանը նաև 106.8 կետով բարելավեց իր միջազգային վարկանիշը:

Արեն Մնացականյանը վաստակեց 5 միավոր և 98 կետով բարելավեց իր միջազգային վարկանիշը: Այս արդյունքով Արենը հաղթահարեց վարպետության թեկնածուի կոչման համար անհրաժեշտ 2200 վարկանիշային շեմը։

Մրցաշարի Բ խմբում Ալլեն Հակոբյանը վաստակեց 6.5 միավոր և բարելավեց իր միջազգային վարկանիշը 123.6 կետով:

Դավիթ Մելքոնյանը վաստակեց 5.5 միավոր և զբաղեցրեց առաջին հորիզոնականը 10 տարեկանների պայքարում:

Մրցաշարի Գ խմբում Արամայիս Ավթանդիլյանը վաստակեց 7 միավոր և զբաղեցրեց 6-րդ հորիզոնականը:

Մրցաշարի Դ խմբում հաղթող ճանաչվեց Ռուբեն Ղարագյոզյանը, ով վաստակեց 7.5 միավոր:

Շնորհավորում ենք մեր շախմատիստներին և մաղթում նոր հաջողություններ: