«7th SKG Open» շախմատի միջազգային մրցաշար

Հունաստանի Սալոնիկ քաղաքում ավարտվեց «7th SKG Open» շախմատի միջազգային մրցաշարը։

Մրցաշարի Ա խմբում լավագույն կին մասնակից ճանաչվեց կանանց միջազգային վարպետ Սուսաննա Գաբոյանը, ով 9 հնարավորից վաստակեց 5 միավոր:

Նույն խմբում պատանի շախմատիստներ Արեն Մնացականյանը և Ալեքսանդր Ավանեսյանը վաստակեցին համապատասխանաբար 5.5 և 5 միավոր: Ալեքսանդրը 115.6 կետով բարելավեց իր միջազգային վարկանիշը:

Մրցաշարի Բ խմբում Սոֆիա Բաղրամյանը վաստակեց 5 միավոր և ճանաչվեց լավագույնը մինչև 12 տարեկան աղջիկների պայքարում: Սոֆիան 100.8 կետով բարելավեց իր միջազգային վարկանիշը։

Մրցաշարի Դ խմբում Վիմլա Մահեշվարին վաստակեց 4 միավոր և զբաղեցրեց 7-րդ հորիզոնականը։

Շնորհավորում ենք մեր շախմատիստներին և մաղթում նոր հաջողություններ: