Եվրոպայի համալսարանների շախմատի առաջնություն 2025

Սեպտեմբերի 16-ից 20-ը Երևանում անցկացվում է 2025 թվականի Եվրոպայի համալսարանների արագ և կայծակնային շախմատի առաջնությունը:

Երեկ Հայաստանի պետական տնտեսագիտական համալսարանում տեղի ունեցավ առաջնության հանդիսավոր բացումը, որը պաշտոնապես ազդարարեց մրցաշարի մեկնարկը:

Առաջնությանը մասնակցում են Եվրոպայի 18 երկրներից թիմեր։ Բաց առաջնությունում մասնակցում է 26 թիմ, իսկ աղջիկների առաջնությունում՝ 14։

Հայաստանը բաց մրցաշարում ներկայացնում են՝
• Հայաստանի ֆիզիկական կուլտուրայի և սպորտի պետական ինստիտուտի թիմը
• Հայաստանի պետական տնտեսագիտական համալսարանի թիմը
• Երևանի պետական բժշկական համալսարանի թիմը
• Երևանի պետական համալսարանի թիմը

Աղջիկների մրցաշարում Հայաստանը ներկայացնում են՝
• Հայաստանի ամերիկյան համալսարանի թիմը
• Հայաստանի ֆիզիկական կուլտուրայի և սպորտի պետական ինստիտուտի թիմը
• Հայ-ռուսական համալսարան
• Հայաստանի ազգային պոլիտեխնիկական համալսարանի թիմը

Մրցաշարի պաշտոնական կայքէջ՝ https://results.eusa.eu

Ֆոտոշարք