Ավարտվեց աշխարհի մինչև 12 տարեկան պատանիների և աղջիկների առաջնությունը

Ամփոփենք հայ շախմատիստների արդյունքները Ղազախստանի Ալմաթի քաղաքում անցկացված 2025 թվականի աշխարհի մինչև 12 տարեկան պատանիների և աղջիկների առաջնությունում:

Մինչև 12 տարեկան աղջիկների խմբում Անգելինա Միրաքյանը 11 հնարավորից վաստակեց 7.5 միավոր և կիսեց 10-15-րդ տեղերը՝ լրացուցիչ ցուցանիշներով զբաղեցնելով 15-րդ տեղը:

Մինչև 8 տարեկան պատանիների խմբում Մանվել Վարդանյանը վաստակեց 7 միավոր և զբաղեցրեց 20-րդ տեղը: Նույն տարիքային խմբում Դավիթ Դալալոյանը վաստակեց 6 միավոր:

Մինչև 10 տարեկան պատանիների խմբում Դավիթ Մելքոնյանը վաստակեց 7 միավոր: Նույն տարիքային խմբում Հակոբ Բաղմանյանը և Մարկ Մելքոնյանը վաստակեցին 5.5 միավոր:

Մինչև 12 տարեկան պատանիների խմբում Դավիթ Ստեփանյանը վաստակեց 6.5 միավոր:

Մինչև 10 տարեկան աղջիկների խմբում Սոֆիա Բաղրամյանը վաստակեց 6 միավոր:

Առաջնությունում իրենց վարկանիշները զգալիորեն բարելավել են Մարկ Մելքոնյանը (+149.2 կետ), Մանվել Վարդանյանը (+143.6 կետ) և Հակոբ Բաղմանյանը (+98.4 կետ)։