Մեկնարկում է շախմատի Եվրոպայի թիմային առաջնությունը

Հոկտեմբերի 5-ից 14-ը Վրաստանի Բաթումի քաղաքում կանցկացվի 2025 թվականի շախմատի Եվրոպայի թիմային առաջնությունը:

Հայաստանի տղամարդկանց հավաքականի կազմում հանդես կգան Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը և Արամ Հակոբյանը: Հավաքականի մարզիչն է Արման Փաշիկյանը:

Կանանց հավաքականի կազմում հանդես կգան Լիլիթ Մկրտչյանը, Մարիամ Մկրտչյանը, Էլինա Դանիելյանը, Մարիա Գևորգյանը և Սուսաննա Գաբոյանը: Հավաքականի մարզիչն է Զավեն Անդրիասյանը:

Մեկնարկային աղյուսակում Հայաստանի տղամարդկանց հավաքականը 40 թիմերի մեջ վարկանիշով 6-րդն է, իսկ կանանց հավաքականը 36 թիմերի մեջ՝ 8-րդը։

Մասնակից թիմերի ամբողջական ցանկին կարող եք ծանոթանալ այստեղ:

Առաջին խաղափուլը կմեկնարկի հոկտեմբերի 5-ին՝ Հայաստանի ժամանակով 15:00-ին։

Մաղթում ենք հաջողություն և հաղթական վերադարձ մեր հավաքականներին: