Հայաստանի կանանց հավաքականը տարավ երկրորդ անընդմեջ հաղթանակը

Հայաստանի կանանց հավաքականը տարավ երկրորդ անընդմեջ հաղթանակը 2025 թվականի շախմատի Եվրոպայի թիմային առաջնությունում:

Առաջնության 2-րդ խաղափուլում կանանց հավաքականը 2.5:1.5 հաշվով առավելության է հասել Ռումինիայի հավաքականի նկատմամբ:

Հաղթանակ են տարել Մարիամ Մկրտչյանը և Սուսաննա Գաբոյանը:

Էլինա Դանիելյանի խաղն ավարտվել է ոչ-ոքի արդյունքով:

Այսօր Հայաստանի տղամարդկանց հավաքականը 2:2 հաշվով ավարտեց իր հանդիպումը Խորվաթիայի հավաքականի հետ:

Բոլոր չորս խաղերն ավարտվեցին ոչ-ոքի արդյունքով: Այսօր խաղում էին Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը և Արամ Հակոբյանը։

3-րդ խաղափուլում մեր կանանց հավաքականը կմրցի Լեհաստանի հավաքականի հետ, իսկ տղամարդկանց հավաքականը՝ Չեխիայի հավաքականի հետ:

Խաղերը կմեկնարկեն հոկտեմբերի 7-ին՝ Հայաստանի ժամանակով 15:00-ին: