4-րդ խաղափուլի հանդիպումները ավարտվեցին ոչ-ոքի արդյունքով

Շախմատի Եվրոպայի թիմային առաջնության 4-րդ խաղափուլում Հայաստանի կանանց հավաքականը 2:2 հաշվով ավարտեց իր հանդիպումը Իսրայելի հավաքականի հետ:

Հաղթանակ է տարել Էլինա Դանիելյանը: Մարիամ Մկրտչյանի և Մարիա Գևորգյանի խաղերն ավարտվեցին ոչ-ոքի արդյունքով:

Առաջին խաղափուլում Հայաստանի կանանց հավաքականը հաղթել է Էստոնիային, երկրորդում՝ Ռումինիային, իսկ երրորդում զիջել է Լեհաստանին։

Այսօր Հայաստանի տղամարդկանց հավաքականը նույնպես 2:2 հաշվով ավարտեց իր հանդիպումը Ռումինիայի հավաքականի հետ:

Հաղթանակ է տարել Հայկ Մարտիրոսյանը: Շանթ Սարգսյանի և Ռոբերտ Հովհաննիսյանի խաղերն ավարտվեցին ոչ-ոքի արդյունքով:

Հայաստանի տղամարդկանց հավաքականը առաջին խաղափուլում հաղթել է Լիտվային, իսկ երկրորդ և երրորդում խաղացել է ոչ-ոքի՝ համապատասխանաբար Խորվաթիայի և Չեխիայի հետ։

5-րդ խաղափուլում մեր տղամարդկանց հավաքականը կմրցի Մոնտենեգրոյի հավաքականի հետ, իսկ կանանց հավաքականը՝ Շվեյցարիայի հավաքականի հետ։

Խաղերը կմեկնարկեն հոկտեմբերի 9-ին՝ Հայաստանի ժամանակով 15:00-ին: