Հայաստանի հավաքականները հաղթանակ են տարել 5-րդ խաղափուլում

Հայաստանի տղամարդկանց և կանանց հավաքականները հաղթանակ են տարել շախմատի Եվրոպայի թիմային առաջնության 5-րդ խաղափուլում:

Հայաստանի տղամարդկանց հավաքականը 3.5:0.5 հաշվով առավելության է հասել Մոնտենեգրոյի հավաքականի նկատմամբ:

Այսօր հաղթել են Շանթ Սարգսյանը, Ռոբերտ Հովհաննիսյանը և Հայկ Մարտիրոսյանը:

Գաբրիել Սարգսյանի խաղն ավարտվել է ոչ-ոքի արդյունքով:

Հայաստանի կանանց հավաքականը 2.5:1.5 հաշվով առավելության է հասել Շվեյցարիայի հավաքականի նկատմամբ:

Այսօր հաղթել են Մարիամ Մկրտչյանը և Էլինա Դանիելյանը:

Լիլիթ Մկրտչյանի խաղն ավարտվել է ոչ-ոքի արդյունքով: