Հայ շախմատիստները առաջատարների շարքում են

Հայ պատանի շախմատիստները առաջատարների շարքում են Մոնտենեգրոյի Բուդվա քաղաքում ընթացող 2025 թվականի շախմատի Եվրոպայի 8-18 տարեկան պատանիների և աղջիկների առաջնությունում:

4 խաղափուլից հետո մինչև 18 տարեկան պատանիների խմբում Վահե Սուքիասյանը ունի 3.5 միավոր և կիսում է 1-6-րդ հորիզոնականները:

Մինչև 16 տարեկան պատանիների խմբում Բենիկ Ագասարովը ունի 3.5 միավոր և կիսում է 4-8-րդ հորիզոնականները:

Մինչև 14 տարեկան պատանիների խմբում Տիգրան Համբարձումյանը և Մանվել Առաքելյանը նույնպես ունեն 3.5 միավոր և կիսում են 3-8-րդ հորիզոնականները:

5-րդ խաղափուլը կմեկնարկի նոյեմբերի 2-ին՝ Հայաստանի ժամանակով 17:00-ին:

Խաղերին կարող եք հետևել այստեղ: