Սամվել Տեր-Սահակյանի և Ռոբերտ Հովհաննիսյանի թիմը ոսկե մեդալ է նվաճել Սերբիայի առաջին լիգայում

Սերբիայի առաջին լիգայում Սամվել Տեր-Սահակյանը և Ռոբերտ Հովհաննիսյանը հանդես էին գալիս «Naftagas» թիմի կազմում, որի կազմում էին նաև միջազգային գրոսմայստեր Բրանկո Տադիչը և միջազգային վարպետներ Միլոշ Ստանկովիչը, Ստեֆան Տադիչը, Միլովան Ռատկովիչը և Պրեդրագ Բոդիրոգան:

Ռոբերտը 10 հնարավորից վաստակել է 8 միավոր՝ իր վարկանիշը բարելավելով 15 կետով, Սամվելը 11 հնարավորից վաստակել է 7.5 միավոր՝ իր վարկանիշը բարելավելով 4 կետով։ Նշենք, որ մեր շախմատիստները մրցաշարում պարտություն չեն կրել: 

Մանրամասներին կարող եք ծանոթանալ հետևյալ հղումով՝ https://bit.ly/3QrLph8

Շնորհավորում ենք թիմի բոլոր անդամներին՝ մաղթելով նորանոր հաղթանակներ: