«Գորիս Օփեն» շախմատի միջազգային մրցաշարի ավարտին մնացել է երկու խաղափուլ

Հայաստանի շախմատի ակադեմիայի և Սյունիքի շախմատի ֆեդերացիայի կողմից կազմակերպված «Գորիս Օփեն» շախմատի միջազգային մրցաշարի ավարտին մնացել է ընդամենը երկու խաղափուլ:

7 խաղափուլից հետո Ա խմբում միանձնյա առաջատարն է գրոսմայստեր Մանուէլ Պետրոսյանը՝ 6 միավորով:

Առաջատարից կես միավորով հետ են մնում միջազգային վարպետ Էրիկ Գասպարյանը և ՖԻԴԵ-ի վարպետ Էդգար Հայրապետյանը:

Բ խմբում նույնպես 6 միավորով միանձնյա առաջատարն է Միքայել Միքայելյանը: 

Համայակ Ստեփանյանը, ՖԻԴԵ-ի վարպետ Վարդան Մովսիսյանը, Վարդան Քարամյանը և Մելինե Հարությունյանը ունեն 5.5 միավոր:

8-րդ խաղափուլը կմեկնարկի նոյեմբերի 19-ին՝ Հայաստանի ժամանակով 15:00-ին: