Ավարտվեց Հայաստանի առաջնությունների չորրորդ խաղափուլը

Ավարտվեց Հայաստանի շախմատի տղամարդկանց 86-րդ և կանանց 81-րդ առաջնությունների 4-րդ խաղափուլը:

Տղամարդկանց առաջնությունում այսօր հաղթանակ են տարել Մանուէլ Պետրոսյանը, Տիգրան Հարությունյանը և Մամիկոն Ղարիբյանը:

Արթուր Դավթյան — Զավեն Անդրիասյան և Արամ Հակոբյան — Էմին Օհանյան խաղերն ավարտվել են ոչ-ոքի արդյունքով:

4-րդ խաղափուլից հետո առաջատարներն են Զավեն Անդրիասյանը և Մանուէլ Պետրոսյանը, ովքեր ունեն 3 միավոր:

Կանանց առաջնությունում այսօր հաղթանակ են տարել Աննա Խաչատրյանը, Մարիամ Ավետիսյանը և Անի Ավետիսյանը:

Անգելինա Միրաքյան — Նվարդ Հայրապետյան և Անահիտ Մկրտչյան — Սոնա Կրկյաշարյան խաղերն ավարտվել են ոչ-ոքի արդյունքով:

4-րդ խաղափուլից հետո առաջատարներն են Անահիտ Մկրտչյանը և Անի Ավետիսյանը, ովքեր ունեն 3.5 միավոր:

Աստղիկ Հակոբյանը ունի 3 միավոր:

5-րդ խաղափուլը կմեկնարկի վաղը՝ ժամը 15:00-ին: