Ավարտվեց Հայաստանի առաջնությունների 7-րդ խաղափուլը

Ավարտվեց Հայաստանի շախմատի տղամարդկանց 81-րդ և կանանց 81-րդ առաջնությունների 7-րդ խաղափուլը:

Տղամարդկանց առաջնությունում այսօր հաղթանակ է տարել միայն Արամ Հակոբյանը:

Տիգրան Հարությունյան — Կարեն Գրիգորյան, Մամիկոն Ղարիբյան — Էմին Օհանյան, Մանուէլ Պետրոսյան — Արթուր Դավթյան և Զավեն Անդրիասյան — Սարգիս Սարգսյան խաղերն ավարտվել են ոչ-ոքի արդյունքով:

Այսպիսով, 7 խաղափուլից հետո տղամարդկանց առաջնությունում առաջատարներն են Արթուր Դավթյանը, Մանուէլ Պետրոսյանը և Զավեն Անդրիասյանը, ովքեր ունեն 4.5 միավոր:

Արամ Հակոբյանը ունի 4 միավոր:

Կանանց առաջնությունում այսօր հաղթել են Անի Ավետիսյանը, Անահիտ Մկրտչյանը, Աստղիկ Հակոբյանը և Լիլիթ Կասինյանը:

Միակ ոչ-ոքին գրանցվեց Անգելինա Միրաքյան — Մարիամ Ավետիսյան խաղում:

Կանանց առաջնությունում միանձնյա առաջատարն է Աստղիկ Հակոբյանը, ով ունի 6 միավոր։ Անահիտ Մկրտչյանը ունի 5.5 միավոր։

Նախավերջին խաղափուլը կմեկնարկի վաղը՝ ժամը 15:00-ին: