Վետերանների աշխարհի առաջնության 8-րդ խաղափուլ

Ավարտվեց շախմատի վետերանների աշխարհի առաջնության 8-րդ խաղափուլը: 

50-ից բարձր տարիքային խմբում Աշոտ Նադանյանը հաղթել է կոստառիկացի ՖԻԴԵ-ի վարպետ Էուջենիո Չինչիլա Միրանդային, իսկ Արտաշես Մինասյանը ոչ-ոքի է խաղացել բրազիլացի գրոսմայստեր Դարսի Լիմայի հետ:

Ոչ-ոքի արդյունքով է ավարտվել նաև 65+ տարիքային խմբում մասնակցող Ռաֆայել Վահանյանի խաղը։ Վահանյանի մրցակիցը գրոսմայստեր Նիկոլայ Լյոգկին էր:

8-րդ խաղափուլից հետո Ռաֆայել Վահանյանը ունի 6 միավոր և կիսում է 4-11-րդ տեղերը: Արտաշես Մինասյանը ունի 5.5 միավոր, Աշոտ Նադանյանը՝ 5 միավոր:

Առաջնության ավարտին մնացել է 3 խաղափուլ:

Խաղերին կարող եք հետևել այս հղումով՝ https://www.chessfed.am/am/live/