Մարտի 18-ից 21-ը Հայաստանի շախմատի ակադեմիայում անցկացվեց Հայաստանի շախմատի ֆեդերացիայի կողմից կազմակերպված հետաքրքիր բարեկամական հանդիպում, որտեղ մրցեցին Հայաստանի և Իրանի ուժեղագույն երիտասարդ շախմատիստները:

Հայաստանի թիմը մրցաշարում ներկայացնում էին հետևյալ շախմատիստները.
ՄՎ Արթուր Դավթյան (վարկանիշ՝ 2509)
ՄՎ Վահե Սուքիասյան (վարկանիշ՝ 2448)
ՄՎ Արսեն Դավթյան (վարկանիշ՝ 2430)
ՄՎ Ռոբերտ Փիլիպոսյան (վարկանիշ՝ 2420)

Իրանի թիմը ներկայացնում էին հետևյալ շախմատիստները.
ՄԳ Սինա Մովահեդ (վարկանիշ՝ 2596)
ՄՎ Ռեզա Մահդավի (վարկանիշ՝ 2490)
ՄՎ Սեյեդ Քիան Փուրմոսավի (վարկանիշ՝ 2394)
ՖՎ Սեյեդ Քիան Ղորեյշի Ամիրի (վարկանիշ՝ 2302)

Լարված և հետաքրքիր պայքարում անցկացված հանդիպումն ի վերջո ավարտվեց Իրանի օգտին՝ 18:14 հաշվով։

Մրցաշարի շրջանակներում անցկացված 32 պարտիաներից միայն 10-ն ավարտվեցին ոչ-ոքի արդյունքով, ինչը խոսում է մրցաշարի անզիջում մրցակցության մասին:

Շնորհակալություն ենք հայտնում բոլոր մասնակիցներին և մաղթում հաջողություն առաջիկա մրցաշարերում: