Ռաֆայել Վահանյանը առաջնության ավարտից մեկ խաղափուլ առաջ կիսում է երկրորդ տեղը

Ավարտվեց շախմատի վետերանների աշխարհի առաջնության նախավերջին խաղափուլը: 

65-ից բարձր տարիքային խմբում Ռաֆայել Վահանյանը ոչ-ոքի խաղաց Արգենտինացի գրոսմայստեր Դանիել Կամպորայի հետ:

Վահանյանը 10 հնարավորից ունի 7.5 միավոր և առաջնության ավարտից մեկ տուր առաջ կիսում է 2-7-րդ տեղերը: Միանձնյա առաջատարը Դանիել Կամպորան է, ով ունի 8 միավոր:

50-ից բարձր տարիքային խմբում Արտաշես Մինասյանը ունի 6 միավոր, Աշոտ Նադանյանը՝ 5.5 միավոր: Այս տարիքային խմբում միանձնյա առաջատարը Սուաթ Աթալիկն է, ով նույնպես ունի 8 միավոր:

Հաջողություն ենք մաղթում մեր շախմատիստներին վերջին խաղափուլում: