Մայիսի 8-ից 14-ը Երևանի շախմատի ֆեդերացիան կազմակերպում է «Երևան Սպրինգ» միջազգային վարկանիշի հաշվարկով մրցաշար:

Անցկացման վայր՝ Արաբկիրի շախմատի մանկապատանեկան մարզադպրոց (Կոմիտաս 37/1):

Մասնակցության իրավունք ունեն միջազգային վարկանիշ ունեցող բոլոր շախմատիստները: Կարող են մասնակցել նաև սահմանափակ թվով 1-ին և 2-րդ կարգ ունեցող շախմատիստներ, ովքեր չունեն միջազգային վարկանիշ: FIDE ID-ի առկայությունը պարտադիր է:

Մրցաշարը կանցկացվի շվեյցարական մրցակարգով, 9 խաղափուլով։

Ժամակարգը՝ 90 րոպե մինչև խաղի ավարտը, յուրաքանչյուր քայլի համար 30 վայրկյան հավելումով։

Մրցաշարը ներկայացվելու է ազգային և միջազգային վարկանիշի հաշվարկի։

Մայիսի 10-ին՝ ժամը 15:30-ին կանցկացվի նաև կայծակնային շախմատի մրցաշար: Ժամակարգը՝ 3 րոպե մինչև խաղի ավարտը, յուրաքանչյուր քայլի համար 2 վայրկյան հավելումով։

Երկու մրցաշարերի մրցանակային հիմնադրամը կազմում է 650.000 ՀՀ դրամ՝ ներառյալ հարկերը:

Գրանցման վերջնաժամկետն է մայիսի 5-ը:

Բոլոր մասնակիցները պետք է վճարեն նաև 5.000 ՀՀ դրամ ԵՇՖ անդամության վճարը:

Կոնտակտային տվյալներ.
Նորայր Հովհաննիսյան +374 94 56 75 87
Վարդան Մելքոնյան +374 91 72 86 86
E-mail: info@yerevanchessfed.com