2026 թվականի մարտի 20-ին՝ ժամը 15:00-ին, Հայաստանի շախմատի ֆեդերացիան կազմակերպում է Հայաստանի պատանիների և աղջիկների կայծակնային շախմատի առաջնությունը:

Անցկացման վայր՝ Հայաստանի շախմատի ակադեմիա (Շևչենկո 34):

Ժամակարգ՝ 5 րոպե ամբողջ պարտիայի համար` յուրաքանչյուր քայլի համար 3 վայրկյան հավելումով՝ սկսած առաջին քայլից:

Առաջնության յուրաքանչյուր խմբում 1-ից 6-րդ տեղերը զբաղեցրած շախմատիստները իրավունք կստանան սեփական միջոցների հաշվին մասնակցելու Եվրոպայի պատանիների արագ և կայծակնային շախմատի առաջնությանը, որը տեղի կունենա 2026 թվականի հուլիսի 6-ից 10-ը Լեհաստանի Ժեշուվ քաղաքում։

Մրցաշարերում 1-ից 3-րդ տեղերը զբաղեցրած մասնակիցները կպարգևատրվեն մեդալներով և պատվոգրերով:

Մուտքավճարը 4.000 ՀՀ դրամ է:

Գրանցման վերջնաժամկետն է մարտի 18-ը՝ ժամը 18:00-ն: