«Աբովյան քաղաքի շախմատի դպրոց» ՀՈԱԿ-ը օգոստոսի 3-ից 11-ը կազմակերպում է բաց մրցաշար՝ միջազգային և ազգային վարկանիշների հաշվարկով: 

Անցկացման վայր՝ «Աբովյան քաղաքի շախմատի դպրոց» ՀՈԱԿ, ք. Աբովյան, Հանրապետության պող., 1/85 շ.:

Ժամանակացույց.
Խաղափուլերի սկիզբը՝ ժամը 11։00-ին։
Փակման արարողությունը՝ 11.08.2024, ժամը 17։30-ին։

Մրցաշարը կանցկացվի Ա և Բ խմբերով:

Ա մրցաշարին մասնակցության իրավունք ունեն միջազգային վարկանիշ ունեցող կամ առնվազն առաջին կարգային շախմատիստները, ովքեր ունեն FIDE ID:

Բ մրցաշարը անցկացվելու է ըստ տարիքային խմբերի՝ մինչև 8, մինչև 10, մինչև 12: Մինչև 8 տարեկանների խմբում մասնակցության իրավունք ունեն առնվազն չորրորդ կարգ ունեցող շախմատիստները, մինչև 10՝ առնվազն երրորդ կարգ ունեցող շախմատիստները, մինչև 12՝ առնվազն երկրորդ կարգ ունեցող շախմատիստները:

Մրցաշարը կանցկացվի շվեյցարական մրցակարգով, 9 խաղափուլով։

Ժամակարգ.
Ա խումբ՝ 90 րոպե ամբողջ խաղի համար` յուրաքանչյուր քայլի համար 30 վայրկյան հավելումով՝ սկսած առաջին քայլից:
Բ խումբ՝ ­60 րոպե ամբողջ խաղի համար` յուրաքանչյուր քայլի համար 30 վայրկյան հավելումով՝ սկսած առաջին քայլից:

Լրացուցիչ ցուցանիշներ.
Հավասար միավորների դեպքում տեղերը որոշվելու են լրացուցիչ ցուցանիշներով`
1. հատված Բուխհոլցի գործակից,
2. Բուխհոլցի գործակից,
3. անձնական հանդիպում,
4. սևերով խաղացած պարտիաների առավելագույն քանակ:

Ա խմբի մրցանակներ.
1-ին տեղ՝ 150.000 ՀՀ դրամ
2-րդ տեղ՝ 130.000 ՀՀ դրամ
3-րդ տեղ՝ 80.000 ՀՀ դրամ
4-րդ տեղ՝ 50.000 ՀՀ դրամ
5-րդ տեղ՝ 30.000 ՀՀ դրամ
Կանանց լավագույն արդյունք՝ 25.000 ՀՀ դրամ
Մինչև 12 տարեկանների լավագույն արդյունք՝ 20.000 ՀՀ դրամ
Վետերանների (50+) լավագույն արդյունք՝ 15.000 ՀՀ դրամ

*Բոլոր մրցանակները հարկվելու են համապատասխան ՀՀ հարկային օրենքսգրքի:
 
Բ խմբի մրցանակներ.
Մինչև 12 տարեկանների 1-ին տեղ՝ 25.000 ՀՀ դրամ
Մինչև 12 տարեկանների 2-րդ տեղ՝ 20.000 ՀՀ դրամ
Մինչև 12 տարեկանների 3-րդ տեղ՝ 15.000 ՀՀ դրամ
Մինչև 12 տարեկան լավագույն աղջիկ մասնակից՝ 10.000 ՀՀ դրամ
Մինչև 10 տարեկանների 1-ին տեղ՝ 20.000 ՀՀ դրամ
Մինչև 10 տարեկանների 2-րդ տեղ՝ 15.000 ՀՀ դրամ
Մինչև 10 տարեկանների 3-րդ տեղ՝ 10.000 ՀՀ դրամ
Մինչև 10 տարեկան լավագույն աղջիկ մասնակից՝ 7.000 ՀՀ դրամ
Մինչև 8 տարեկանների 1-ին տեղ՝ 15.000 ՀՀ դրամ
Մինչև 8 տարեկանների 2-րդ տեղ՝ 10.000 ՀՀ դրամ
Մինչև 8 տարեկանների 3-րդ տեղ՝ 7.000 ՀՀ դրամ
Մինչև 8 տարեկան լավագույն աղջիկ մասնակից՝ 5.000 ՀՀ դրամ

Մուտքավճարներ.
Ա խումբ`
Առանց միջազգային վարկանիշի՝ 15.000 ՀՀ դրամ
Մինչև 2000 միջազգային վարկանիշ՝ 10.000 ՀՀ դրամ
2000-2100 միջազգային վարկանիշ՝ 7.000 ՀՀ դրամ
2101-2300 միջազգային վարկանիշ՝ 5.000 ՀՀ դրամ
2301 և բարձր միջազգային վարկանիշ՝ առանց մուտքավճար

Բ խմբում մուտքավճարը կազմում է 4.000 ՀՀ դրամ:

Գրանցվելու համար անհրաժեշտ է փոխանցել մուտքավճարը՝ նպատակ դաշտում նշելով մասնակցի անուն, ազգանուն, հայրանունը, ծննդյան տարեթիվը և կարգը/վարկանիշը: 
Կտրոնը պարտադիր ուղարկել «Աբովյան քաղաքի շախմատի դպրոց» ՀՈԱԿ abovyanchess@mail.ru էլ. հասցեին: