Մեկնարկել է Հովհաննես Դանիելյանի հիշատակին նվիրված երկրորդ մրցաշարը
Մայիսի 9-ից 15-ը Հայաստանի շախմատի ակադեմիայում անցկացվում է Հովհաննես Դանիելյանի հիշատակին նվիրված միջազգային վարպետի նորմայով երկրորդ շրջանային մրցաշարը։
Հայկական շախմատի պատմության մեջ Հովհաննես Դանիելյանն առանձնահատուկ տեղ ունի՝ որպես միջազգային գրոսմայստեր, մարզիչ և շախմատային մտքի նվիրյալ, ում անունը տարիներ շարունակ կապված է եղել հայկական շախմատի զարգացման հետ։
Հովհաննես Դանիելյանին ճանաչողները նրան հիշում են ոչ միայն որպես ուժեղ գրոսմայստեր, այլ առաջին հերթին որպես լավ ընկեր և բացառիկ մարդ։ Իր վերաբերմունքով, մարդկային արժեքներով և շախմատի հանդեպ նվիրումով նա մեծ հարգանք ու սեր էր վայելում շախմատային համայնքում։
Հուշամրցաշարին մասնակցում են 10 շախմատիստներ տարբեր երկրներից՝
ՄՎ Էրիկ Հակոբյան (Հայաստան)
ՖՎ Լուկա Կիլաձե (Վրաստան)
ՄՎ Սեյեդ Կիան Պուրմուսավի (Իրան)
ՖՎ Վաչե Հովակիմյան (Հայաստան)
ՄՎ Անդրեյ Օկարա (Ռուսաստան)
ՖՎ Մանվել Առաքելյան (Հայաստան)
ՖՎ Մենուա Հակոբյան (Հայաստան)
Ալեքս Մանուկյան (Հայաստան)
ՎԹ Արտյոմ Մամիկոնյան (Հայաստան)
Սեյեդ Կանան Պուրմուսավի (Իրան)
Թող այս մրցաշարը լինի ոչ միայն ուժեղ պայքարի, այլ նաև Հովհաննես Դանիելյանի թողած մեծ ժառանգության արժանի շարունակությունը։
Խաղերին կարող եք հետևել այստեղ:
Այլ նորություններ