«XLI SELL Student Games» շախմատի ուսանողական մրցաշար

Հայաստանի ֆիզիկական կուլտուրայի և սպորտի պետական ինստիտուտի թիմը հաղթող է դարձել Լատվիայի մայրաքաղաք Ռիգայում անցկացված «XLI SELL Student Games» ուսանողական արագ և կայծակնային շախմատի մրցաշարերում:

Մրցաշարին մասնակցում էին 14 համալսարանների թիմեր՝ 5 երկրներից։

Հայաստանի ֆիզիկական կուլտուրայի և սպորտի պետական ինստիտուտի թիմի կազմը հետևյալն էր.
ՄՎ Ռոբերտ Փիլիպոսյան
ՄՎ Արսեն Դավթյան
Մարիամ Խաչատրյան
ԿՖՎ Մարիամ Ավետիսյան
Մարզիչ՝ միջազգային մրցավար, դոցենտ Երվանդ Հակոբյան

Հայաստանի ներկայացուցիչները մրցանակային տեղեր են զբաղեցրել նաև անհատական պայքարում:

Միջազգային վարպետ Ռոբերտ Փիլիպոսյանը կայծակնային շախմատի մրցաշարում զբաղեցրել է 1-ին հորիզոնականը, իսկ արագ շախմատում՝ 2-րդ հորիզոնականը։

Աղջիկների պայքարում Մարիամ Խաչատրյանը արագ շախմատում զբաղեցրել է 2-րդ, իսկ կայծակնային շախմատում՝ 3-րդ հորիզոնականը։ Մարիամ Ավետիսյանը կայծակնային շախմատում զբաղեցրել է 2-րդ հորիզոնականը։

Շնորհավորում ենք բոլորին՝ մաղթելով նոր հաջողություններ: