Հայաստանի տղամարդկանց և կանանց առաջնությունների կիսաեզրափակիչ մրցաշարեր

Հայաստանի շախմատի ակադեմիայում շարունակվում են Հայաստանի շախմատի ֆեդերացիայի կողմից կազմակերպված Հայաստանի տղամարդկանց և կանանց առաջնությունների կիսաեզրափակիչ մրցաշարերը։

Տղամարդկանց առաջնությունում 6 խաղափուլից հետո միանձնյա առաջատարն է վարպետության թեկնածու Վոլոդյա Թորոսյանը, ով ունի 5.5 միավոր:

5 միավոր ունեն ՖԻԴԵ-ի վարպետ Դավիթ Դավթյանը, Արամ Պլուզյանը, Դավիթ Տիրատուրյանը և Արմեն Գալաջյանը:

Կանանց առաջնությունում 6 խաղափուլից հետո 5 միավորով առաջատարներն են Անի Հայրապետյանը և Լիանա Հակոբյանը:

4.5 միավոր ունեն Վիկտորյա Բոնդարենկոն, Մարի Աթոյանը և Մարիա Կարապետյանը:

Մրցաշարերի ավարտին մնացել է երեք խաղափուլ: 

Տղամարդկանց մրցաշարում 1-4-րդ տեղերը զբաղեցրած շախմատիստները իրավունք կստանան մասնակցելու Հայաստանի տղամարդկանց 2027 թ. առաջնության առաջին խմբի մրցաշարին, իսկ կանանց մրցաշարում 1-10-րդ տեղերը զբաղեցրած շախմատիստուհիները՝ Հայաստանի կանանց 2027 թ. առաջնության առաջին խմբի մրցաշարին: