Ամփոփում ենք մեր հայ շախմատիստների հաջողությունները 2023 թվականի ընթացքում

Հունվարի 30-ից փետրվարի 4-ը Սերբիայում անցկացվեց սահմանափակ կարողություններ ունեցող անձանց շախմատի օլիմպիադան, որտեղ Սարգիս Սարգսյանը դարձավ փոխչեմպիոն:

Հունիսի 6-ից 8-ը Վրաստանում անցկացվեց աշխարհի պատանիների արագ շախմատի առաջնությունը, որտեղ Ռոբերտ Փիլիպոսյանը դարձավ մինչև 16 տարեկանների չեմպիոն, իսկ Տիգրան Համբարձումյանը՝ մինչև 12 տարեկանների բրոնզե մեդալակիր:

Հունիսի 10-ից 11-ը Վրաստանում անցկացվեց աշխարհի պատանիների կայծակնային շախմատի առաջնությունը, որտեղ Ալեքս Սահակյանը դարձավ մինչև 18 տարեկանների բրոնզե մեդալակիր, Ռոբերտ Փիլիպոսյանը՝ մինչև 16 տարեկանների բրոնզե մեդալակիր, իսկ Բենիկ Ագասարովը՝ մինչև 14 տարեկանների բրոնզե մեդալակիր:

Հունիսի 13-ից 21-ը Սերբիայում անցկացվեց սահմանափակ կարողություններ ունեցող անձանց շախմատի աշխարհի ​​առաջնությունը, որտեղ Սարգիս Սարգսյանը դարձավ բրոնզե մեդալակիր:

Հունիսի 19-ին Լեհաստանում անցկացվեց Եվրոպայի կայծակնային շախմատի զույգ առաջնությունը, որտեղ Հայաստանի թիմը՝ ի դեմս Շանթ Սարգսյանի և Էլինա Դանիելյանի, նվաճեց ոսկե մեդալ:

Հունիսի 24-ից 30-ը Ռումինիայում անցկացվեց շախմատի Եվրոպայի պատանիների թիմային առաջնությունը, որտեղ Հայաստանի թիմը նվաճեց բրոնզե մեդալ:
Թիմի անդամներն էին՝
Էմին Օհանյան
Ռոբերտ Փիլիպոսյան
Էրիկ Չաքրյան
Արսեն Դավթյան
Ալեքս Սահակյան

Սեպտեմբերի 5-ից 14-ը Ռումինիայում անցկացվել է շախմատի Եվրոպայի պատանիների առաջնությունը, որտեղ մինչև 18 տարեկանների չեմպիոն դարձավ Արսեն Դավթյանը, իսկ մինչև 14 տարեկանների փոխչեմպիոն՝ Բենիկ Ագասարովը:

Հոկտեմբերի 27-ին վետերանների աշխարհի առաջնության շրջանակներում անցկացվեց կայծակնային շախմատի մրցաշար, որտեղ արծաթե մեդալակիր դարձավ Արտաշես Մինասյանը, իսկ բրոնզե մեդալակիր՝ Աշոտ Նադանյանը:

Նոյեմբերի 11-ից 20-ը Չեռնոգորիայում անցկացվեց շախմատի Եվրոպայի թիմային առաջնությունը, որտեղ Հայաստանի թիմը դարձավ բրոնզե մեդալակիր:
Թիմի անդամներն էին՝
Հայկ Մարտիրոսյան
Գաբրիել Սարգսյան
Հրանտ Մելքումյան
Շանթ Սարգսյան
Սամվել Տեր-Սահակյան

Դեկտեմբերի 14-ից 15-ը Խորվաթիայում անցկացվեց Եվրոպայի արագ շախմատի առաջնությունը, որտեղ Հայկ Մարտիրոսյանը դարձավ արծաթե մեդալակիր:

2023 թվականին Հայկ Մարտիրոսյանը հատեց 2700 վարկանիշի շեմը:

Մամիկոն Ղարիբյանը և Էմին Օհանյանը դարձան գրոսմայստերներ, իսկ Արսեն Դավթյանը դարձավ միջազգային վարպետ:

Հայաստանի շախմատի ֆեդերացիան սիրով շնորհավորում է բոլորին Ամանորի և Սուրբ Ծննդյան կապակցությամբ:

Մաղթում ենք, որ 2024 թվականը լինի հաջողությունների և նոր ձեռքբերումների տարի: