Մեկնարկում են Հայաստանի տղամարդկանց 84-րդ և կանանց 79-րդ առաջնությունները

Հունվարի 11-ից 21-ը Տիգրան Պետրոսյանի անվան շախմատի տուն-մարզադպրոցում կանցկացվեն Հայաստանի շախմատի տղամարդկանց 84-րդ և կանանց 79-րդ բարձրագույն խմբերի առաջնությունները։

Հայաստանի տղամարդկանց և կանանց չեմպիոնները իրավունք կնվաճեն 2024 թվականին հանդես գալու Հայաստանի ազգային հավաքականի կազմում:

Առաջնությունների բացման արարողությունը տեղի կունենա հունվարի 11-ին՝ ժամը 15։00-ին:

Առաջին խաղը կմեկնարկի հունվարի 12-ին՝ ժամը 15:00-ին:

Տղամարդկանց առաջնությանը մասնակցում են ՄԳ Սամվել Տեր-Սահակյանը, ՄԳ Մանուել Պետրոսյանը, ՄԳ Ռոբերտ Հովհաննիսյանը, ՄԳ Զավեն Անդրիասյանը, ՄԳ Տիգրան Հարությունյանը, ՄԳ Մամիկոն Ղարիբյանը, ՄՎ Արթուր Դավթյանը, ՖՎ Ռոբերտ Փիլիպոսյանը, ՖՎ Էրիկ Չաքրյանը և Դավիթ Տիրատուրյանը:

Կանանց առաջնությանը մասնակցում են ԿՄԳ Մարիա Գևորգյանը, ԿՄՎ Սուսաննա Գաբոյանը, Պոլինա Կոբակը, ԿՖՎ Մարիամ Ավետիսյան, ԿՖՎ Արփինե Գրիգորյանը, ԿՖՎ Աննա Խաչատրյանը, Միլենա Գասպարյանը, Մարիամ Խաչատրյանը, Մելինե Հարությունյանը և Ալվարդ Ստեփանյանը: