![News](/image/news_datail/news/1705264097813_87d425d81a8f785ba7697e38558881a9.jpeg)
Ավարտվեց Հայաստանի տղամարդկանց և կանանց առաջնությունների 3-րդ խաղափուլը
Ավարտվեց Հայաստանի շախմատի տղամարդկանց 84-րդ և կանանց 79-րդ առաջնությունների 3-րդ խաղափուլը:
Տղամարդկանց առաջնությունում ամենացածր վարկանիշ ունեցող Դավիթ Տիրատուրյանը հաղթեց գրոսմայստեր Մանուէլ Պետրոսյանին։ Դավիթը սկզբնախաղից մեծ առավելություն ստացավ և պահպանեց այն մինչև խաղի ավարտը:
Հաղթանակ տարավ նաև գրոսմայստեր Սամվել Տեր-Սահակյանը։ Սամվելը հաղթեց ՖԻԴԵ-ի վարպետ Էրիկ Չաքրյանին:
Ռոբերտ Փիլիպոսյան - Տիգրան Հարությունյան, Արթուր Դավթյան - Մամիկոն Ղարիբյան, Ռոբերտ Հովհաննիսյան - Զավեն Անդրիասյան խաղերն ավարտվեցին ոչ-ոքի արդյունքով:
Տղամարդկանց առաջնությունում 3-րդ խաղափուլից հետո առաջատարներն են Մամիկոն Ղարիբյանը, Զավեն Անդրիասյանը և Սամվել Տեր-Սահակյանը, ովքեր ունեն 2 միավոր:
Կանանց առաջնությունում ևս ունենք անակնկալ: Մելինե Հարությունյանը սև խաղաքարերով հաղթեց Հայաստանի կանանց գործող չեմպիոն Մարիա Գևորգյանին:
3-րդ խաղափուլում կանանց պայքարում ոչ-ոքիներ չեն գրանցվել: Սուսաննա Գաբոյանը, Արփինե Գրիգորյանը, Միլենա Գասպարյանը և Պոլինա Կոբակը համապատասխանաբար հաղթեցին Մարիամ Ավետիսյանին, Ալվարդ Ստեփանյանին, Աննա Խաչատրյանին և Մարիամ Խաչատրյանին:
Կանանց առաջնությունում 3-րդ խաղափուլից հետո միանձնյա առաջատարն է Միլենա Գասպարյանը, ով հաղթել է բոլոր 3 խաղերում: