Ավարտվեցին Հայաստանի շախմատի առաջնությունները

Այսօր Տիգրան Պետրոսյանի անվան շախմատի տուն-մարզադպրոցում տեղի ունեցավ Հայաստանի շախմատի տղամարդկանց 84-րդ և կանանց 79-րդ առաջնությունների փակման արարողությունը:

Եվ այսպես, ամփոփում ենք արդյունքները…

Տղամարդկանց առաջնության չեմպիոն դարձավ գրոսմայստեր Ռոբերտ Հովհաննիսյանը, ով 9 հնարավորից վաստակեց 6 միավոր:

Գրոսմայստերներ Մանուէլ Պետրոսյանը, Զավեն Անդրիասյանը և Սամվել Տեր-Սահակյանը վաստակեցին 5.5 միավոր:

Լրացուցիչ ցուցանիշներով արծաթե մեդալակիր դարձավ Մանուէլ Պետրոսյանը:

Լավագույն եռյակը եզրափակեց Զավեն Անդրիասյանը, իսկ Սամվել Տեր-Սահակյանը զբաղեցրեց 4-րդ հորիզոնականը:

Կանանց առաջնության չեմպիոն դարձավ կանանց միջազգային վարպետ Սուսաննա Գաբոյանը, ով վաստակեց 7.5 միավոր:

Արծաթե մեդալակիր դարձավ կանանց ՖԻԴԵ-ի վարպետ Մարիամ Ավետիսյանը՝ 7 միավորով:

Լավագույն եռյակը եզրափակեց Միլենա Գասպարյանը՝ 5.5 միավորով:

Ռոբերտ Հովհաննիսյանը և Սուսաննա Գաբոյանը ստացան Հայաստանի հավաքականում հանդես գալու իրավունք։

Շնորհավոդում ենք բոլորին՝ մաղթելով նորանոր ձեռքբերումներ:

Լուսանկարները կարող եք տեսնել այստեղ: