Հայ շախմատիստները Նորվեգիայում մրցանակային տեղեր են զբաղեցրել

Հայ շախմատիստները մրցանակակիրների շարքում են Նորվեգիայի Կրագերո քաղաքում ավարտված «Kragero Resort Chess International 2024» մրցաշարում:

Մրցաշարի «Ա» խմբում Էմին Օհանյանը 9 հնարավորից վաստակեց 6.5 միավոր և կիսեց 2-5-րդ հորիզոնականները: Լրացուցիչ ցուցանիշներով Էմինը զբաղեցրեց 5-րդ հորիզոնականը:

Մարիամ Մկրտչյանը վաստակեց 5.5 միավոր և աղջիկների մեջ զբաղեցրեց 3-րդ հորիզոնականը:

Վոլոդյա Թորոսյանը, ով բոլոր խաղերում խաղացել է իրենից բարձր վարկանիշ ունեցող շախմատիստների հետ, վաստակեց 4.5 միավոր և բարելավեց իր վարկանիշը 136 կետով:

Մրցաշարի «Բ» խմբում Սամվել Զաքարյանը և Միքայել Իբոյանը 9 հնարավորից վաստակեցին 6 միավոր և համապատասխանաբար զբաղեցրին 4-րդ և 5-րդ հորիզոնականները:

Աիդա Ալվանջյանը վաստակեց 6 միավոր և ցույց տվեց լավագույն արդյունքը աղջիկների և 1400-1599 վարկանիշ ունեցող շախմատիստների մեջ:

Նռանե Գևորգյանը վաստակեց 4.5 միավոր և աղջիկների մեջ զբաղեցրեց 3-րդ հորիզոնականը:

Մանրամասներին կարող եք ծանոթանալ այստեղ:

Շնորհավորում ենք բոլոր մրցանակակիրներին՝ մաղթելով նորանոր հաջողություններ: