Աշոտ Նադանյանը դարձավ Հայաստանի վետերանների չեմպիոն

Ավարտվեց Հայաստանի 2023 թվականի վետերանների առաջնությունը:

Առաջնության չեմպիոն դարձավ միջազգային վարպետ Աշոտ Նադանյանը, ով 9 հնարավորից վաստակեց 7.5 միավոր:

Երկրորդ հորիզոնականը զբաղեցրեց 7 միավոր վաստակած Սարգիս Մելքոնյանը:

Լավագույն եռյակը եզրափակեց 7 միավոր վաստակած Մամիկոն Մարտիրոսյանը, ով առաջատար էր ամբողջ մրցաշարի ընթացքում:

Դրամական մրցանակների են արժանացել նաև Վահան Դիմաքսյանը և Վլադիմիր Պողոսյանը, ովքեր վաստակել են 6.5 միավոր և համապատասխանաբար զբաղեցրել են 4-րդ և 5-րդ հորիզոնականները:

65+ տարիքային խմբում լավագույն եռյակը ունեցավ հետևյալ տեսքը՝
1-ին տեղ՝ Գարեգին Ալեքյան
2-րդ տեղ՝ Աշոտ Ավետիսյան
3-րդ տեղ՝ Անդրանիկ Աբրահամյան

Հատուկ մրցանակի է արժանացել նաև 80+ տարիքային խմբում լավագույն արդյունք ցույց տված Ստեփան Բալայանը:

Շնորհավորում ենք բոլոր մրցանակակիրներին՝ մաղթելով նորանոր հաջողություններ: