Հայ շախմատիստները առաջատարների շարքում են

Ավարտվեց շախմատի աշխարհի մինչև 20 տարեկան պատանիների և աղջիկների առաջնության 8-րդ խաղափուլը:

Պատանիների առաջնությունում հայ շախմատիստներ Մամիկոն Ղարիբյանը և Ռուդիկ Մակարյանը ունեն 6.5 միավոր և կիսում են առաջին հորիզոնականը Նոգերբեկ Կազիբեկի և Կարդոսո Կարդոսո Խոսե Գաբրիելի հետ:

Աղջիկների առաջնությունում Մարիամ Մկրտչյանը ունի 6.5 միավոր և կես միավորով հետ է մնում միանձնյա առաջատար Դիվյա Դեշմուխից։

Առաջնության ավարտին մնացել է 3 որոշիչ խաղափուլ:

9-րդ խաղափուլը կմեկնարկի վաղը՝ Հայաստանի ժամանակով 13:30-ին։

Խաղերին կարող եք հետևել այստեղ: