Հայաստանի ներկայացուցիչները 2 արծաթե մեդալ են նվաճել

Հնդկաստանի Գանդինագար քաղաքում ավարտվեց աշխարհի մինչև 20 տարեկան պատանիների և աղջիկների առաջնությունը:

Առաջնության 6 մեդալակիրներից 2-ը մեր հայ շախմատիստներն են:

Առաջնությունը անցկացվում էր 11 խաղափուլով:

Պատանիների առաջնության լավագույն եռյակ.
1-ին տեղ՝ Ղազախստանը ներկայացնող Կազիբեկ Նոգերբեկ՝ 8.5 միավոր
2-րդ տեղ՝ Հայաստանը ներկայացնող Էմին Օհանյան՝ 8.5 միավոր
3-րդ տեղ՝ Սերբիան ներկայացնող Լուկա Բուդիսավլևիչ՝ 8 միավոր

8 միավոր է վաստակել նաև Մամիկոն Ղարիբյանը, ով լրացուցիչ ցուցանիշներով զբաղեցրեց 4-րդ տեղը:

Աղջիկների առաջնության լավագույն եռյակ.
1-ին տեղ՝ Հնդկաստանը ներկայացնող Դիվյա Դեշմուխ՝ 10 միավոր
2-րդ տեղ՝ Հայաստանը ներկայացնող Մարիամ Մկրտչյան՝ 9.5 միավոր
3-րդ տեղ՝ Ադրբեջանը ներկայացնող Այան Ալլահվերդիևա՝ 8.5 միավոր

Շնորհավորում ենք մեր շախմատիստներին՝ մաղթելով նոր նվաճումներ: