Այսօր շախմատի միջազգային օրն է

100 տարի առաջ այս օրը ստեղծվեց Շախմատի միջազգային ֆեդերացիան՝ ՖԻԴԵ-ն, ով համախմբեց աշխարհի բոլոր ֆեդերացիաներին մեկ տանիքի տակ:

Հուլիսի 20-ը նշվում է որպես շախմատի և շախմատի նվիրյալների միջազգային օր:

Այս հատկանշական օրվա կապակցությամբ ՖԻԴԵ-ն մարտահրավեր է նետել բոլոր ֆեդերացիաներին` նպատակ ունենալով այսօր կազմակերպել հնարավորինս շատ խաղեր և այս օրը հռչակել աշխարհում ռեկորդային քանակությամբ  շախմատ խաղացած օր:

Այս գաղափարից անմասն չի մնացել նաև Հայաստանը, քանի որ այս օրերին Գյումրիում ընթացող Ֆիզիկական հաշմանդամություն ունեցող անձանց 23-րդ շախմատի աշխարհի անհատական առաջնությունը այս մարտահրավերի մասնակիցն է:

Հայաստանի շախմատի ֆեդերացիան ուրախությամբ ու հպարտությամբ շնորհավորում է բոլոր շախմատիստներին, շախմատասերներին և շախմատի նվիրյալներին այս տոնի առթիվ և կոչ ենք անում բոլորին շարունակել տարածել այս հանճարեղ խաղի գեղեցկությունն ու արժեքները, որը դարեր շարունակ եղել է մարդկային մտքի և ստեղծագործականության անբաժանելի մասը: