Հայաստանի շախմատի վետերանների առաջնություն

Օգոստոսի 20-ից 28-ը Հայաստանի շախմատի ակադեմիայում անցկացվում է 2024 թվականի Հայաստանի շախմատի վետերանների առաջնությունը:

Նախավերջին խաղափուլից առաջ 50+ տարիքային խմբում միանձնյա առաջատարն է միջազգային վարպետ Աշոտ Նադանյանը, ով 5 հնարավորից ունի 4.5 միավոր: 

Մամիկոն Մարտիրոսյանը ունի 4 միավոր և գտնվում է 2-րդ հորիզոնականում: Խաչատուր Մեսրոպյանը և Լաերտ Մարգարյանը 3.5 միավորով կիսում են 3-4-րդ հորիզոնականները:

65+ տարիքային խմբում միանձնյա առաջատարն է ՖԻԴԵ-ի վարպետ Ռոման Ակոպովը, ով 7 հնարավորից ունի 6 միավոր: 

Անդրանիկ Աբրահամյանը ունի 5.5 միավոր և գտնվում է 2-րդ հորիզոնականում: Ռաֆայել Հովհաննիսյանը և Անուշավան Առաքելյանը 5 միավորով կիսում են 3-4-րդ հորիզոնականները:

Նշենք, որ 50+ տարիքային խումբը անցկացվում է 7 խաղափուլով, իսկ 65+ տարիքային խումբը՝ 9 խաղափուլով:

Հաջողություն ենք մաղթում բոլոր մասնակիցներին վերջին 2 խաղափուլերում: