Վաղը կմեկնարկեն Հայաստանի առաջնությունների առաջին խմբի մրցաշարերը

Այսօր տեղի ունեցավ Հայաստանի տղամարդկանց 85-րդ և կանանց 80-րդ առաջնությունների առաջին խմբի մրցաշարերի բացման արարողությունը:

Տղամարդկանց մրցաշարը կանցկացվի շրջանային մրցակարգով՝ 11 խաղափուլով: 

Մասնակիցներն են գրոսմայստեր Մամիկոն Ղարիբյանը, միջազգային վարպետ Ռոբերտ Փիլիպոսյանը, ՖԻԴԵ-ի վարպետ Բենիկ Ագասարովը, ՖԻԴԵ-ի վարպետ Էրիկ Հակոբյանը, միջազգային վարպետ Ստեֆան Պոգոսյանը, միջազգային վարպետ Արսեն Դավթյանը, ՖԻԴԵ-ի վարպետ Ալեքս Սահակյանը, ՖԻԴԵ-ի վարպետ Էրիկ Գասպարյանը, ՖԻԴԵ-ի վարպետ Վահե Սուքիասյանը, գրոսմայստեր Լևոն Բաբուջյանը, ՖԻԴԵ-ի վարպետ Սարգիս Սարգսյանը և Վլադիմիր Շահինյանը:

Կանանց մրցաշարը կանցկացվի շվեյցարական մրցակարգով՝ 9 խաղափուլով:

1-3-րդ տեղերը գրաված շախմատիստները իրավունք կստանան մասնակցելու բարձրագույն խմբի մրցաշարին:

Խաղերը կմեկնարկեն նոյեմբերի 24-ին՝ ժամը 15:00-ին: