Շախմատի աշխարհի առաջնություն

Նոյեմբերի 25-ից դեկտեմբերի 13-ը Սինգապուրում տեղի կունենա 2024 թվականի շախմատի աշխարհի առաջնությունը:

Առաջնությունը կանցկացվի գործող աշխարհի չեմպիոն, 32-ամյա չինացի Դին Լիրենի և շախմատի հավակնորդների մրցաշարի հաղթող, 18-ամյա հնդիկ Գուկեշ Դոմարաջուի միջև։

Այն խաղացողը, ով վաստակում է 7.5 կամ ավելի միավոր, հռչակվում է աշխարհի չեմպիոն:

Եթե 14 խաղից հետո հաշիվը լինի հավասար, չեմպիոնը կորոշվի արագ շախմատի փլեյ-օֆֆում:

Բոլոր խաղերը սկսվելու են Հայաստանի ժամանակով 13:00-ին և յուրաքանչյուր երեք խաղափուլից հետո լինելու է հանգստյան օր: 

Առաջին խաղափուլը կմեկնարկի նոյեմբերի 25-ին:

Շախմատիստները չեն կարող ոչ-ոքի համաձայնվել մինչև սևերը չկատարեն իրենց 40-րդ քայլը: Մինչև սևերի 40-րդ քայլը ոչ-ոքիի պահանջը թույլատրվում է միայն նույն դիրքի երեք անգամ կրկնության կամ պատի դեպքում:

Մրցանակային ֆոնդը կազմում է 2.500.000 ԱՄՆ դոլար:

Շուտով կիմանանք շախմատի աշխարհի նոր չեմպիոնի անունը…

Մրցաշարի պաշտոնական կայքէջ՝ https://worldchampionship.fide.com