Աշոտ Նադանյանը և Գարեգին Ալեքյանը դարձան Հայաստանի վետերանների չեմպիոններ

Նոյեմբերի 24-ին տեղի ունեցավ 2024 թվականի Հայաստանի վետերանների արագ շախմատի առաջնությունը:

50-ից բարձր տարիքային խմբում չեմպիոն դարձավ միջազգային վարպետ Աշոտ Նադանյանը, ով 7 հնարավորից վաստակեց 6.5 միավոր:

Երկրորդ հորիզոնականը զբաղեցրեց Տիգրան Սահակյանը, իսկ լավագույն եռյակը եզրափակեց Խաչատուր Մեսրոպյանը:

65-ից բարձր տարիքային խմբում չեմպիոն դարձավ Գարեգին Ալեքյանը, ով 7 հնարավորից վաստակեց 5.5 միավոր:

Երկրորդ հորիզոնականը զբաղեցրեց Գարիկ Խաչատրյանը, իսկ լավագույն եռյակը եզրափակեց Անդրանիկ Աբրահամյանը:

Շնորհավորում ենք բոլոր մրցանակակիրներին: